/
/
ЦАГДААГИЙН ГАЗРЫН АВАРГА ШАЛГАРУУЛАХ ВОЛЕЙБОЛЫН ТЭМЭЭН ЗОХИОН БАЙГУУЛАГДЛАА.
Цагдаагийн газрын алба хаагчдын бие бялдрыг хөгжүүлэх, чөлөөт цагийг зөв боловсон өнгөрүүлэх, хамт олны дунд нөхөрсөг, хамтач уур амьсгалыг бүрдүүлэх зорилгоор “Аравт”-ын зохион байгуулалтаар цагдаагийн газрын аварга шалгаруулах волейболын тэмцээнийг зохион байгууллаа.
Тэмцээнд 10 багийн тамирчид оролцож хурд хүч, авхаалж самбаагаа сорин өрсөлдсөнөөс:
ТЭРГҮҮН байранд Нийтийн хэв журам хамгаалах тасгийн ахлах байцаагч, цагдаагийн ахмад М.Батболд ахлагчтай Нэгдүгээр аравтын “Амжилт” баг,
ДЭД байранд Зөрчлийн хэрэг бүртгэх тасгийн ахлах байцаагч, цагдаагийн ахлах дэслэгч М.Мөнхбат ахлагчтай 9 дүгээр аравтын “Говийн шонхорууд” баг,
ГУТГААР байранд Шуурхай удирдлагын тасгийн жижүүрийн ахлах байцаагч, цагдаагийн ахмад Г.Отгонхүү ахлагчтай 10 дугаар аравтын “Хар сүлд” баг тус тус шалгарлаа.
-Шилдэг довтлогч:
Нийтийн хэв журам хамгаалах тасгийн харуулын цагдаа, цагдаагийн дэд ахлагч Г.Далх,
-Шилдэг холбогч:
Нийтийн хэв журам хамгаалах тасгийн хэсгийн цагдаа, цагдаагийн дэд ахлагч Э.Наранхүү,
-Шилдэг тэгш тоглогч:
Нийтийн хэв журам хамгаалах тасгийн хамгаалалтын цагдаа, цагдаагийн дэд ахлагч Н.Уугандорж нар шалгарлаа.
